18 красавіка 2011 г. у 15.00 у Міжнародны дзень помнікаў і гістарычных месцаў у Віцебскім абласным краязнаўчым музеі (Ратуша) адбудзецца прэзентацыя кнігі Сцяпана Стурэйкі
«Антропология архитектурного наследия: взгляд на Беларусь».
Генеральная асамблея ЮНЭСКА ў ліпені 1983 года адобрыла прапанову Міжнароднага савета па пытаннях аховы помнікаў і славаутых месцаў і ўстанавіла Міжнародны дзень помнікаў і гістарычных месцаў (Дзень сусветнай спадчыны), які святкуецца штогод 18 красавіка і садзейнічае прыцягванню увагі сусветнай грамадскасці да яшчэ не вырашаных праблем аховы сусветнай культурнай спадчыны.
З вышэй адзначанай нагоды у Віцебскім абласным краязнаўчым музеі 18 красавіка адбудзецца прэзентацыя кнігі Стурэйка Сцяпана Андрэевіча — аспіратна кафедры этналогіі, музеялогіі і гісторыі мастацтваў гістрычнага факультэта Беларускага дзяржаўнага універсітэта – «Антропология архитектурного наследия: взгляд на Беларусь» (Мінск, 2010). Выданне для Беларусі ўнікальнае. Гэта па-сутнасці спроба ўпершыню спалучыць тэорыю і практыку захавання нашай спадчыны ў межах сучаснай Рэспублікі Беларусь, спроба параўнаць беларускі досвед з еўрапейскім, спроба вызначыць магістральныя шляхі захвання і рэнавацыі гісторыка-культурнай спадчыны нашай краіны па галоўных накірунках (палацава-замкавая архітэктура, драўляная забудова і г.д.).
