Гістарычны факультэт Віцебскага дзяржаўнага ўніверсітэта, Віцебскі абласны краязнаўчы музей і Дзяржаўны архіў Віцебскай вобласці 6-7 кастрычніка 2011 г. праводзяць міжнародную навукова-практычную канферэнцыю «Актуальныя праблемы крыніцазнаўства айчыннай гісторыі». Аргкамітэт запрашае прыняць удзел у рабоце канферэнцыі.
АСНОЎНЫЯ НАПРАМКІ РАБОТЫ:
- Праблемы тэорыі і методыкі крыніцазнаўства.
- Уплыў новых метадалагічных падыходаў на практыку гістарычных даследаванняў.
- Крыніцазнаўства і спецыяльныя гістарычныя дысцыпліны.
- Развіццё крыніцазнаўства гісторыі Беларусі (XIX—ХХI стст.).
- Крыніцы па гісторыі Беларусі і суседніх краін ад старажытнасці да сучаснасці.
- Пісьмовыя крыніцы ў фондах архіваў: праблемы захавання, выкарыстання і вывучэння.
- Музейныя прадметы і калекцыі як крыніцы па айчыннай гісторыі.
- Кніга як гістарычная крыніца.
- Крыніцы па царкоўнай гісторыі.
Для ўдзелу ў канферэнцыі неабходна да 15 жніўня 2011 г. накіраваць аргкамітэту тэкст даклада і заяўку з абавязковым указаннем наступных звестак пра аўтара:
- прозвішча, імя, імя па бацьку;
- вучоная ступень, званне;
- месца працы, пасада;
- паштовы адрас (службовы і хатні);
- тэлефон з указаннем кода горада;
- E-mail;
- Тэма даклада.
Аргкамітэт пакідае за сабой права адбору дакладаў для ўключэння ў праграму. Адхіленыя матэрыялы, якія не адпавядаюць навуковаму ўзроўню і тэматыцы канферэнцыі, не вяртаюцца.
Персанальныя запрашэнні будуць дасланы ў верасні 2011 г.
Зборнік матэрыялаў плануецца выдаць да пачатку работы канферэнцыі. Умовы аплаты арганізацыйнага ўнёску будуць паведамлены ў запрашэнні. Выдаткі на праезд, пражыванне і харчаванне нясуць камандзіруючыя арганізацыі.
Рабочыя мовы канферэнцыі: беларуская, руская, англійская.
АФАРМЛЕННЕ ТЭКСТУ:
Аб'ём – да 5 поўных старонак праз 1 міжрадковы інтэрвал на аркушы А4. Палі – 25 мм з усіх бакоў. Тэкст набіраецца шрыфтам Times New Roman, кегль – 14 пт. Абзац – 1,25 см.
Спіс выкарыстаных крыніц афармляецца пасля асноўнага тэксту ў алфавітным парадку, бібліяграфічнае апісанне – у адпаведнасці з патрабаваннямі ВАК Рэспублікі Беларусь. Спасылкі даюцца ў тэксце ў квадратных дужках: [1, с. 55].
Тэксты дакладаў просім дасылаць ў электронным выглядзе ў рэдактары MS Word для Windows па электроннай пошце на адрасы: kajuga@list.ru, dulov_78@mail.ru, a таксама ў раздрукаваным выглядзе. Раздрукаваны асобнік абавязкова падпісваецца аўтарам у канцы тэксту.
КАНТАКТНЫ АДРАС
Рэспубліка Беларусь. 210038, г. Віцебск, Маскоўскі пр-т, 33. ВДУ імя П.М. Машэрава, гістарычны факультэт.
Тэл. (+375 212) 21-97-38.
E-mail: kajuga@list.ru, dulov_78@mail.ru
Каардынатары:
Дулаў Анатоль Мікалаевіч, тэл.: (+375 29) 668 58 07
Юрчак Дзяніс Валер’евіч, тэл.: (+375 29) 716 74 20
