У рамках святкавання 50-годдзя знаходкі берасцяной граматы і 150-годдзя з дня нараджэння А. Р. Брадоўскага 22 – 23 кастрычніка 2009 года ў Віцебскім абласным краязнаўчым музеі адбылася навуковая канферэнцыя, у якой прынялі ўдзел гісторыкі, археолагі, краязнаўцы, архівісты, супрацоўнікі музеяў, студэнты і аспіранты, якія прадстаўлялі навуковыя і музейныя ўстановы Беларусі і Латвіі.
Даклады, якія прагучалі на канферэнцыі, былі прысвечаны апошнім вынікам археалагічных даследаванняў на Віцебшчыне, важным пытанням вывучэння гістарычнай спадчыны, сацыяльна-палітычнага, эканамічнага і культурнага развіцця рэгіёну, гісторыі развіцця музейнай справы і краязнаўства.
Віцебскія старажытнасці : матэрыялы навук. канф., прысвеч. 50-годдзю знаходкі берасцяной граматы ў Віцебску і 150-годдзю з дня нараджэння А. Р. Брадоўскага, 22 – 23 кастр. 2009 г. , Віцебск / рэдкал. Г. У. Савіцкі [і інш.]. – Мінск : Медысонт, 2010. – 320 с.
