У Віцебскім абластным краязнаўчым музее адбылося адкрыцце незвычайнай выставы кастюмаў нацыянальных меншасцей Кітая «Хай квітнеюць сто кветак...».
Кітай – шматнацыянальная дзяржава са старажытнай гісторыяй, краіна, якая зачароўвае сваёй нестандартнасцю, краіна сучасных тэхналогій, існуючых у гармоніі з багатай унікальнай гістарычнай спадчынай.
У Кітае жывуць каля 55 розных народнасцей – кожная са сваімі збычаямі, нацыянальнымі касцюмамі і, у большасці выпадку, з асабістай мовай. Але пры ўсёй іх разнастайнасці і багацці культурных традыцый, гэтыя народнасці складаюць 7 % насельніцтва краіны. Нацыянальные меншасці жывуць у розных геаграфічных і кліматычных умовах – гэта вялікія раўніны і стэпі, магутныя горы і пустыні, тайга і вільготные лясы.
Гісторыя касцюма са старажытных часоў з′яўляецца свайго рода люстэркам, у якім адлюстроўваецца мінулае кожнага народа, яго нацыянальная спецыфіка, цесна звязаная з культурай і гісторыяй.
На выставе можна ўбачыць касцюмы народнасцей Лі, І, Ва, Ну, Пуі, Мань, Бай, Хані, Яо, Лісу, Лаху, Туцзя, Цзінпо, Гаошань, Гелао, Пумі, Булан, Дун, Дейбаі и іншых. Так сама можна азнаёміцца з гісторыяй, правіламі нашэння, функцыянальным вызначеннем нацыянальнага адзення. Прадстаўленыя касцюмы выкананы з натуральных тканін, аздоблены багатай вышыўкай і аздабленнем.
Выстава прадстаўлена Пасольствам Кітайскай Народнай Рэспублікі ў Рэспубліцы Беларусь, прымеркавана да 20- годдзя ўстанаўлення дыпламатычных адносін паміж нашымі краінамі.
У рамках выставы кітайскія студэнты, якія навучаюцца ва універсітэтах г. Віцебска, пазнаёмяць усіх жадаюцых з музычнай культурай Кітая.
Выстава будзе экспанавацца да 29 лютага 2012 года.
Кантактны тэлефон 360587
